الحقيقة ان العصر تتطور والنهضة اتغيرت وان الواحد يربي ابنة على الأخلاق حاجة مهمة بس للأسف في ناس بتبقى عاوزة تربي ولادها بشكل سبور على الأخر
مثلا تلاقي الواحده فرحانة جدا ان ابنها الصغير اللي مكملش اربع سنين باس بنت ياااااااااااااه ده يبقى موال [ ياخبر شوفت حبيب امة ياناس لالالالالالالا واد امور شوفتي باس البنت ازاي ياخلاسي علية ]
ولا واحده تقترح برأيها وتقول اقتراحها البناء عن لبس الأمورة الصغيرة [ مين اللي جبلك الهدوم الحلوة دي الله حلو البدي الكات اللي انتي لبساه ده ولا ياااااااااااه البنطلون الجنس ده حكاية ] ولا لما البنت تبتدي تلبس حجاب ياااااااااه فعلا الأراء الهادفة تبان [ لالالالالالالالا اية ده يابنتي انتى لسة صغيرة انتي هتلبسي ايشارب من اولها لما تكبري حتى
امال اللي اكبر منك يلبسوا اية ] الله ينور بجد قرارات حكيمة
ويسلام لما حبايب قلب ماما يروحوا مدرسة لغات وتبدأ علامات النباهة تبان ويتعرفوا على بعض قدام طنط وماما
وتلاقيهم طول القعده مطلعش منهم كلمة عربي وقتها بقى طنط وماما يفرحوا يسلام الولاد استايل خالص محدش فاهم كلامهم
ولا لما حبيب ماما يجيلها نص الليل يصحيها يقولها انا خايف من الظلمة مش عارف انام [ ياحبيب قلب ماما تعال ياكميلة نام وسطينا ] مع ان اسماء بنت ابي بكر كانت بتطلع ابنها برة البيت في الظلمة عشان تقوي قلبة
الحقيقة احنا بترتكب اخطاء جامده وعاوزين المحروس الصغير ولا المحروسة لما يكبروا يبقوا يحرروا فلسطين ولا يطلعولنا صلاح الدين ياعيني ياعيني على الحال ده يبقى عشم ابليس في الجنة وعلى الحال ده العرب هيوهانوا كمان وكمان